biz kimik?

Xoş gəlmisiniz! Bizimlə tanışlığa hazırsınızsa, rahat əyləşin. Brandup olaraq 5 ilə yaxın fəaliyyətimiz ərzində peşəkarlığımız ilə tanınaraq həm ölkə daxili, həm də ölkə xaricində bizi seçənlərin sayının stabil şəkildə yüksəlməsini təmin edə bildik. İllər keçsə də, işimizə yanaşmamız dəyişməz qalır: kreativlik, məsuliyyət, punktuallıq, hər brendə özəl yanaşma. Əsas ixtisaslaşmamız veb proqramlaşdırma, rəqəmsal marketinq və dizayn/brendinq istiqamətlərindədir.

fəlsəfəmiz

Marketinq dəqiq elm, dəqiq sahə deyil. Burda həm ölçüləbilən, həm də ölçülə bilməyən məqamlar mövcuddur. Ən çətini isə, nə baş verəcəyini əvvəlcədən yəqin etməkdir. Bəzən son istifadəçimiz yüz minlərlə insandır. Elə bir iş çıxarmalıyıq ki, bu qədər insan həm bəyənsin, həm rahat başa düşsün, həm də bundan sonra müştərimizi seçsin. Gördüyümüz işlər zamanı unikallıq, funksionallıq, görünüş və minimalizm bizim üçün prioritetdir. Məsuliyyətli və detallara fokus olmanı tələb edən işdir, bu səbəbdən də bizim xidmətlər üçün ən lazımlı faktor ZAMANdır. Yaradıcılıq zaman tələb edir, zaman azdırsa sən sadəcə ağlına gələn ilk bir neçə ideyadan birini həyata keçirmək məcburiyyətindəsən. Bizə ZAMAN verin, sizə ən yaxşısını verək!

komandamız

Komandamız 20-yə yaxın mütəxəssisdən ibarətdir. Onlar çox çalışmalarına baxmayaraq, hər gün mütaliə və inkişafa zaman ayıra bilir. İşində qüsursuzluq,mətbəxdə təmizlik uğrunda ofisdaxili atışmalar baş versə də, itkilər olmur, əksinə bunlar komanda ruhumuzun güclənməsinə gətirib çıxarır. Zövqsüz musiqi, popkorn bitən kimi marağı itən filmlər, köhnə stilli brendinqlər, mobildən dəstəklənməyən saytlar, təcili işlər, bir də tənbəl insanları sevmirik. Bizə azadlıq verən və güvənən müştərilər, şokolad, dondurma, komikslər, idman, biznes ədəbiyyatını isə heç nəyə dəyişmərik. Biz qarşımıza qlobal agentlik olmaq hədəfi qoyan və bunun üçün hər gün kreativliyimizdən gələni edən komandayıq.