Yəqin, başlıqdan artıq nə haqqında danışacağımızı təxmin edirsiniz. Bu gün qaliblərin təsadüfi qaydada seçildiyi müsabiqələrdən bəhs edəcəyik. Sosial medianın hər gün dəyişən alqoritmləri sayəsində səhifələrin aktivliyini saxlamaq üçün müsabiqələr mütləqdir. Tövsiyə edirik, ayda ən az 1 effektiv nəticə verəcək müsabiqə keçirəsiniz. Say şirkətin fəaliyyət sektoruna, əsasən dəyişə bilər.
Bəs bu müsabiqələr nə zaman effektiv olur?
Bloqda bu barədə ətraflı danışacağıq.
İlk başdan sadə görünən bu müsabiqələrdə diqqət edilməli məqamlara nəzər salaq ⬇

Diqqət! Stalkerlər!
Sosial mediada bir kütlə var ki, onların platformaya giriş məqsədi müsabiqələrdir. Hədiyyənin onlara aidiyyətindən asılı olmayaraq müsabiqələrdə iştirak edir, profillərini sadəcə konkurslar üçün istifadə edirlər. Hətta həmin istifadəçilər artıq bir-birlərini tanıyır, “Mənim hədiyyəmi filankəs götürəcək” belə deyirlər. Biz xüsusi qrup açdıqlarını və orada müsabiqələr haqqında məlumatları bir-birinə ötürdüklərini də bilirik.

- Səhifədən effektivlik yaratmayan bu stalkerlərdən necə qaça bilərik?
- Müsabiqənin şərtlərini bir qədər qəlizləşdirərək.

Müəllif: Nigar Şabanova